Kya din the wo, jab hum jiya karte the,
Bina koi fikrah maa ki god me soya karte the.
Jab man kiya manmaani, jab chaha tanatani,
aise the wo din jab apni chalaya karte the.
kitni bhi daant padne par, dinbhar khelkar
maa ke haath ka rasna hi piya karte the.
Karte the ji bhar ke padai aur
kabhi kabhi teacher ki maar ke bhi maze liya karte the.
Bhai behan ke saath ladai ke baad,
kabhi papa ki maar bhi kha liya karte the.
Aur thoda sa roke naatak karne ke baad,
maa ka wo anomol pyar bhi paa liya karte the.
karte the doston se ladai,
par pyar bhi unhe utna hi kiya karte the.
aa jaata tha school me koi pasand,
to kabhi uska bhi didar kar liya karte the.
Sard raaton ki wo angithiyan,
charo taraf baithkar antakshri khela karte the.
Papa ke daantane par sardiyo me bhi
subah subah uth jaaya karte the,
par unhe kya pata, padne ke bahane,
kitab pakde razai me kitni jhapkiyan le liya karte the.
kya din the wo, jab hum jiya karte the.
Aur aaj,
na to wo maa ki loriyan hain,
na hi wo garm razaiyan.
Na kabhi le paate hain wo befikr angdaaiyan.
Na kar paate hain wo masti,
na hoti hain wo karastaniyan.
kal ki soch me hi beet jaate hain saare pal,
aise beet ta hain hamara aaj aur agla kal.
Dost to naam ke bahut hain, par koi hain
jo do pal baith ke sune hamari pareshani?
Aisa ab koi nai hain jiske saath
chahe to kar sake kabhi bhi manmaani.
kya din the wo, jab hum jiya karte the.
